Ouma Hester is 90!
Hester spog met 11 kinders, 18 kleinkinders, en 32 agterkleinkinders.
![](https://images.caxton.co.za/wp-content/uploads/sites/3/2018/04/IMG_5036_23053.jpg)
Ouma Hester Fourie het op 22 Februarie ‘n volle 90 jaar oud geword. Die Herald het haar besoek en gaan uitvind wat haar geheim daarvoor is.
Hester is in Groot Marico se plaaswêreld gebore en het ook haar 11 kinders daar grootgemaak. Sy spog met 18 kleinkinders en 32 agterkleinkinders. Sy het reeds ses van haar kinders aan die dood afgestaan.
Al het sy 15 jaar gelede ‘n beroerte gehad, stap sy sonder hulp en kan goed sien. Sy eet baie gesond en het nie kwale nie. Hester het verduidelik dat mens moet wegbly van drank, rook en dwelms.
Sy is ‘n gelowige vrou, en glo dat jy altyd jou vader en moeder moet eer.
Haar lewe is ‘n mooi verhaal. Haar man was haar eerste liefde maar hy is lank gelede oorlede. Na sy dood het Hester haar kinders steeds goed versorg.
Haar een dogter, Catherine Coetzee, 60, vertel dat haar ma hulle as Christene grootgemaak het, en altyd fluks was. Catherine onthou spesifiek hoe haar ma Sondae na ‘n groot middagete altyd vir hulle poeding gegee het.
Hester hou haarself besig deur televisie te kyk en radio te luister. “My ma is ‘n stil mens, maar baie lief vir mense en plante. Sy was streng toe ons jonk was, maar altyd met liefde. Ons het na my pa se dood nooit honger gely nie en my ma is steeds ‘n baie netjiese mens en ‘n baie nederig.”
Catherine woon in haar ma se huis, en het vertel dat dit vir haar geen moeite is om haar ma te versorg nie.
Het jy dalk meer inligting rakende dié storie? Stuur gerus vir ons ‘n e-pos na randfonteinherald@caxton.co.za (onthou asseblief om jou kontak besonderhede by te voeg) of skakel ons by 011 693 3671.
Vir daaglikse gratis gemeenskapsnuus aan die Wes-Rand, besoek ook ons susterkoerante se webtuistes
Roodepoort Record
Krugersdorp News
Get It Joburg West Magazine
Besoek ook ons Facebook, Twitter en Instagram blaaie om jou stem te laat tel!