’n Verdagte met inbreektoerusting in sy besit is in die vroeë oggendure op Dinsdag 29 Maart deur ’n sekuriteitsmaatskappy in Greenhills gearresteer.
Volgens Johan Krogh, algemene bestuurder van EPR, het hul taktiese bestuurder, Eben Crous ’n verdagte met inbreektoerusting gesien en hom gearresteer nadat hy vir hom probeer wegkruip het.
“Crous was besig om patrollie te ry in Greenhillslaan toe hy ’n verdagte met inbreektoerusting sien die pad oorsteek.
Toe die verdagte vir Crous sien, het hy gehardloop en skuiling tussen struike en bosse langs die pad gesoek om hom te ontduik.
“Crous het hulp ingeroep van twee ander offisiere in die omgewing, Emile Rothman en Tertius Hawood om die verdagte vas te trek. Die span het die verdagte tussen die bosse en struike gevind en hom gearresteer. Die verdagte is aan die polisie oorhandig.
“Ons is trots om so ’n pligsgetroue span te hê wat waarskynlik nie net nog ’n inbraak gestuit het nie, maar ook ’n vermeende misdadiger vasgetrek het. Dit is duidelik dat die toerusting in die verdagte se besit gebruik word om omheinings, sekuriteitshekke en diefwering oop te forseer.”
Sou jy graag nuusflitse via WhatsApp wil ontvang? Stuur ‘n SMS/ WhatsApp boodskap met jou naam en selfoonnommer na 079 413 8726.
Maak seker dat u kennis neem van ons WhatsApp-vrywaring
Het jy dalk meer inligting rakende dié storie? Stuur gerus vir ons ‘n e-pos na randfonteinherald@caxton.co.za (sluit asseblief kontakbesonderhede in) of skakel ons by 011 693 3671.
Lees ook:
Teacher’s vehicle targeted while giving reading classes
Residents help EPR to fight crime, three arrested
Brave residents nab suspected robbers
Combined efforts stop criminal in his tracks
Vir daaglikse gratis gemeenskapsnuus aan die Wes-Rand, besoek ook ons susterkoerante se webtuistes Roodepoort Record, Krugersdorp News en Get It Joburg West Magazine
Besoek ook ons Facebook, Twitter en Instagram blaaie om jou stem te laat tel!
