Teine-eerstes verniel Jaguars 119-0
Randfontein Rugbyklub se eerste- en tweede-spanne was kookwater teen die Jaguars van Fochville en spog met wegholseges.
![](https://images.caxton.co.za/wp-content/uploads/sites/3/2023/05/2N6A7039_13559-e1683956187157-780x470.jpg)
Randfontein Rugbyklub het verwoesting gesaai tydens die Jaguars van Fochville se besoek na die House of Pain.
Hierdie was deel van die Senior Groot Uitdaagreeks wat op Saterdag, 6 Mei plaasgevind het.
Lees ook: Teine-eerstes speel gelykop teen Simmers
Randfontein Rugbyklub se direkteur van rugby Hennie van Eck het vertel dat albei hul tweede en eerste spanne met tellings van oor die 100-0 gespog het.
![](https://images.caxton.co.za/wp-content/uploads/sites/3/2023/05/2N6A5270_49094-520x390.jpg)
“Die dag was weereens ‘n reuse sukses aangesien al ons spanne hul wedstyde teen Fochville gewen het.”
Lees ook: Teine oorheers Germiston Simmer by House of Pain
![](https://images.caxton.co.za/wp-content/uploads/sites/3/2023/05/2N6A6051_64726-520x390.jpg)
Hy het verduidelik dat daar ook lekker gees geheers het by die klub en dat dit gesien kan word in die resultate.
• Die onder 20’s het 35-7 geseëvier
• Randfontein se tweede span het ook behoorlik die opponent ‘n les geleer met hul sege van 104-0
• Teine se eerste span het dan 19 drieë gedruk in hul wegholsege van 119-0.
“Fochville is ‘n nuwe klub en ons glo hulle het baie geleer.”