Vier-en-negentig jaar jonk
"Ek is 'n baie besige vrou. Ek het dit baie geniet om na my huishouding om te sien, en ook om my kinders groot te maak, " het Maria vertel.
Maria Magdalena Nel het op 16 Maart ‘n volle 94 jaar oud geword. Sy spog met ses seuns en twee dogters, en is geseën met 20 kleinkinders.
Maria woon op die oomblik by haar seun, waar sy baie gelukkig is. Sy is in Griekwastad gebore en haar ouers het na die destydse Transvaal toe getrek toe sy 10 jaar oud was.
Haar eerste man is 29 jaar gelede oorlede, en haar tweede man is oorlede toe hulle maar net ses maande lank getroud was.
“Ek is ‘n baie besige vrou. Ek het dit baie geniet om na my huishouding om te sien, en ook om my kinders groot te maak. Ek was nooit ledig nie,” het Maria gesê. Sy was voorheen ‘n verpleegster in Johannesburg.
Haar gesondheid is nog tops, en sy dra net ‘n bril as sy lees, hekel of brei. Haar familie beskryf haar as sag, vol lewe, innemend, iemand wat help waar sy kan, en wat baie omgee vir haar kinders.
Sy is ‘n bidder wat weet waar haar krag vandaan kom.
Maria sê in besonder baie dankie aan haar kinders en kleinkinders wat gereeld by haar kuier.
Het jy dalk meer inligting rakende dié storie? Stuur gerus vir ons ‘n e-pos na randfonteinherald@caxton.co.za (onthou asseblief om jou kontak besonderhede by te voeg) of skakel ons by 011 693 3671.
Vir daaglikse gratis gemeenskapsnuus aan die Wes-Rand, besoek ook ons susterkoerante se webtuistes
Roodepoort Record
Krugersdorp News
Get It Joburg West Magazine
Besoek ook ons Facebook, Twitter en Instagram blaaie om jou stem te laat tel!
