Paul leef sy droom met sy verfkwas uit
Randfonteiner gebore in Nederland 'n kunstenaar soos min.
Paul Roosenschoon is ‘n kunstenaar soos min.
Paul, ‘n inwoner van Loumarina, is in Nederland gebore, maar hy’t in Pretoria grootgeword. Vanaf ‘n jong ouderdom het hy ‘n groot passie en liefde vir kuns gehad en het hy al duisende skilderye geskilder. In 1978 het Paul na Randfontein verhuis.
Alhoewel Paul hom uitstekend van sy taak kwyt het hy geen formele kuns onderrig in sy jong dae ontvang nie. Hy het sy hele lewe lank as ondergrondseamptenaar in die mynbedryf gewerk, maar in 2000 het hy afgetree om voltyds sy passie uit te leef.
Paul het eers in 1990 kuns ernstig as ‘n stokperdjie begin beoefen en nadat hy by die Waterverf-vereniging van Suid-Afrika betrokke geraak het, het hy verskeie kunsklasse bygewoon en by meesters in waterverf geleer. Bekende skilders soos Susan Orpen en Richard Rennie was vir hom ‘n groot inspirasie.
Paul beoefen sy kuns in verskeie mediums en alhoewel hy meerendeels van portretstudies hou, kan hy enige onderwerp skilder in allerlei metodes, mediums en tegnieke. Hy hou ook daarvan om met iets nuuts te eksperimenteer.
My dryfkrag is om vir mense my siening van die wonder van die Vader se skepping te toon – alle glorie aan Hom, natuurlik ook vir my talente,” het Paul gesê.
Het jy dalk meer inligting rakende dié storie? Stuur gerus vir ons ‘n e-pos na randfonteinherald@caxton.co.za (onthou asseblief om jou kontak besonderhede by te voeg) of skakel ons by 011 693 3671.
Vir daaglikse gratis gemeenskapsnuus aan die Wes-Rand, besoek ook ons susterkoerante se webtuistes
Roodepoort Record
Krugersdorp News
Get It Joburg West Magazine
Besoek ook ons Facebook, Twitter en Instagram blaaie om jou stem te laat tel!
