Rus in vrede Burger
Familie en vriende groet geliefde pa en seun, Burger Botes.
“Ek sal altyd lief wees vir jou en jou mis waarookal ek gaan.”
So het Ann Louise Botes tydens haar man – wie onlangs doodgeskiet is – se begrafnisdiens gesê .
Burger Botes is Vrydag 20 Februarie omstreeks 11vm glo deur ‘n onwettige mynwerker doodgeskiet terwyl hy saam met ‘n kollega patrolliewerk by Gold 1 myn in Springs gedoen het.
‘n Begrafnisdiens was op Vrydag (27 Februarie) om 11vm in die Hervormde Gemeente Midpark in Helikon Park gehou. Die diens was deur Ds. Jasper van der Westhuizen waargeneem waarna hy by die Randfontein Begrafplaas in Greenhills begrawe is.
Ann Louise het verder in ‘n brief gesê: “Dankie dat jy so wonderlike man en pa was, maar meeste van alles dankie vir die feit dat jy my beste vriend was. Vir altyd lief vir jou.”
Die geliefdes wat agter gelaat is betreur sy afwesigheid op aarde maar in hulle harte weet hul dat hy nou deel vorm van God se Hemelse Mag.
Verwante artikel:
