Volkies het Saterdag, die Drake van Eldoraigne in die eerste liga wedstryd na die vakansie verwelkom.
Dinge het op koers vir Volkies se eerstespan gelyk. Met 10 minute in die wedstryd oor was hulle 11 punte voor.
“Hulle het drie keer gaan druk in sewe minute. Ons het van 11 punte voor tot 12 punte agter in 10 minute gegaan,” het Mighael de Beer hoofafrigter van Volkies gesê.
Volkies moes uiteindelik die knieg, 44 – 27 buig. Christoff Nel, wat diens oor die vakansie by die Luiperds se akademiespan gedoen het, het twee keer vir die Potchefstromers gaan druk.
De Beer, het geweet dat dit ‘n moeilike wedstryd vir sy troepe gaan wees, en alhoewel hy teleurgesteld sal wees met die verlies, het die span goeie karakter gewys. Volkies reis komende naweek Piet Retief toe om hulle veldtog voort te sit.
