Potch atlete oorwin by NW Tweekamp Kampioenskappe
Potchefstroom Gimnasium en Laerskool Mooirivier is as die beste skole aangewys tydens die NW Tweekamp kampioenskappe.
Die Noordwes Tweekamp kampioenskappe het Sondag, 4 Februarie in Potchefstroom plaasgevind waar atlete van Potchefstroom, Klerksdorp, Schweizer-Reneke, Sannieshof, Ottosdal, Lichtenburg, en Rustenburg meegeding het vir die Noordwes Tweekamp-span.
Hierdie span sal Noordwes verteenwoordig by die Suid-Afrikaanse kampieonskappe wat 29 en 30 Maart in Bloemfontein sal plaasvind.
NW Skole Tweekamp het deelgemaak van die kampioenskappe waar Laerskool Mooirivier die Laerskool-trofee verower het. Potchefstroom Gimnasium het met die Hoërskool-trofee weggestap.
NW Tweekamp en Driekamp administrateur en aanbieder Yolanda Kruger sê die standaarde was baie hoog, met baie atlete wat nuwe persoonlike bestes behaal het.
Die volgende atlete het ook nuwe rekords opgestel.
· Fredrich Liebenberg van Laerksool Mooirivier, Seuns o.11, met ‘n tyd van 1:09.39.
· Egbert Palmer van Laerskool Mooirivier, Seuns o.15, met ‘n tyd van 2:23.46.
· Xandri Palmer van Potchefstroom Gimnasium, Meisies o.19, met ‘n tyd van 2:40.05.
· Stephan Malan, Junior mans, met ‘n tyd van 2:17.41.
· Wicus Malherbe, Meester Mans 40+, met ‘n tyd van 2:30.25.
· Marthinus Swanepoel, Meester Mans 60+, met ‘n tyd van 1:06.51.
Fredrich Liebenberg van Laerskool Mooirivier is as Victor Lodorum aangewys, en Mathilda Liebenberg van Potchefstroom Gimnasium as Victris Lodorum.