Foto’s: Sesse reën by Baillies T10 Challenge

Volkies se span is vir ‘n tweede agtereenvolgende keer in ‘n ry as die wenner gekroon nadat hulle vir Opstal in die eindstryd geklop het.

September 29, 2023

Wouter Pienaar 1 minute read

Divan Barkhuizen stuur 'n aflewering af.

Laerskool Baillie Park se T10 Challenge was ‘n krieketfees uit die boonste rakke met 12 spanne wat vanaf 22-25 September vir die titel gekompeteer het. Na talle sesse op Baillies se krieketveld geslaan is en paaltjies gespat het, is Volkies vir ‘n tweede agtereenvolgende keer in ‘n ry as die wenner gekroon nadat hulle vir Opstal in die eindstryd geklop het.

Foto’s: Wouter Pienaar

Skoongeboul! Opstal se Henry van Niekerk verloor sy paaltjie in die finaal teen Volkies. Foto: Wouter Pienaar.

Niel Jansen van Vuuren vier ‘n fantastiese vangskoot.

Niel Jansen van Vuuren speel ‘n trekhou.

Divan Barkhuizen is met sy eerste bal uitgevang.

Andries Huisamen van Volkies speel ‘n hou na die bykant.

Volkies se Jannie Claassens het ‘n paar sesse geslaan. Opstal se Martin van Aswegen hou die aksie dop.

Volkies se Mighael de Beer slaan ‘n ses.

Arno Hattingh stuur nog ‘n aflewering af.

Riaan de Jager gereed om nog ‘n ses te slaan.

Willem Maree hou sy oog op die bal vir Opstal.

Tiaan Bezuidenhout (Vescotech) in aksie.

Gimmies se Erik Wyma speel ‘n kaphou met Vescotech paaltjiewagter, Tiaan Bezuidenhout wat toekyk.

Ryno Bezuidenhout stoom in vir Vescotech.

Baillies en Supreme Chicken was die ander spanne wat die halfeindstryde gehaal het. Hierdie toernooi was weer eens ‘n skouspel waar krieket op die einde van die dag die groot wenner was en het weer bewys hoe sport mense vanuit verskeie oorde kan saambring.

Die atmosfeer was feestelik oor al drie dae van aksie met krieketballe wat gevlieg het om ondersteuners altyd op hulle tone te hou.