Volkskool Potchefstroom se eerste en o.15A krieketspanne het die afgelope naweek vir KHS in die Noordwesliga twee krieketlesse geleer.
Die eerste span het vir Klerksdorp Hoër vir slegs 54 in 25 boulbeurte uitgeboul en toe die nodige 55 lopies sonder die verlies van enige paaltjies in 7.5 beurte aangeteken om met 10 paaltjies te wen.
Die linkerarm draaier, Diaan van der Merwe neem 5/19 in 7.5 beurte en laat KHS se kolwers bontstaan soos ‘n verkleurmannetjie op ‘n Smartieboks.
Die o.15A span wen ook gemaklik met 6 paaltjies nadat hulle vir KHS vir slegs 122 uitgeboender het. Olefa Padi neem 3/23 in 7 boulbeurte. Louis van Wyk skitter weer met die kolf en lei Volkies na die oorwinning met ‘n 53* (58).
Related Articles
