Beide Hoër Volkskool Potchefstroom se eerstespan en o.15A-span het die afgelope naweek hulle eerste wedstryde van vanjaar se Finsbury A-liga teen Hoërskool Centurion verloor.
Die o.15-A span het tuis gespeel en eerste gekolf met John van Wyk se 34 (43) en Ewald Viljoen se geduldige 40 (92) wat die platform vir die groottotaal van 231/8 gesorg het.
Foto’s: Wouter Pienaar
Dit was nie genoeg nie en Centurion haal die teiken met nog 12 boulbeurte oor. Corné Prinsloo is Volkies se top bouler, met 2/39 in sy 10 boulbeurte.
Volkies se eerstes verloor met vier paaltjies nadat hulle kolwers met 181 almal uit nie genoeg lopies kon aanteken vir hulle boulaanval om te verdedig nie.
Centurion bereik die teiken op hulle tuisveld en vier paaltjies oor in hulle beurt na 33 boulbeurte.
