Noordwes rolbal lei jaar in met Pare-kompetisie

Noordwes Rolbal se eerste kompetisie vir 2019 is die mans en vroue pare wat Saterdag begin.
Klerksdorp rolbalklub het weer by verre die meeste inskrywings. Vyftien manspanne en 10 vrouespanne sal die klub verteenwoordig. Wat die mans aanbetref, het PCC sewe spanne, Parys, La Farge en Orkney vier elk, Potch Dorp drie, met enkele spanne van Mafeking, Koster en Fochville.
Benewens die 10 vroue pare van Klerksdorp, het PCC vyf, Parys, Potch Dorp en Parys vier elk, met enkele spanne van Koster, Mafeking, Orkney en Coligny. Vir die vroue sal daar spel wees op La Farge, Klerksdorp en PCC met die uitspele Sondag by PCC.
Die manspare sal Saterdag sake uitspook in die seksies by Potch Dorp, PCC, Klerksdorp en Parys, met die uitspele Sondag by Klerksdorp.
Die aksie word volgende naweek voortgesit.