Die Wilge se rugbysterre blink in onoorwonne Luiperds se LSOB-span
Oortuigend, oortreflik en onoorwonne is woorde wat die Luiperds se o.18 LSOB-span by vanjaar se o.18 LSOB-rugbyweek die beste beskryf. Die Luiperds, wat onder meer 11 spelers van Hoërskool Die Wilge bevat, het behoorlik die vloer met hulle teenstanders gevee. Dié rugbyweek is vanaf 2 tot 6 Junie by Glenwood High aangebied. Die speler met …
Oortuigend, oortreflik en onoorwonne is woorde wat die Luiperds se o.18 LSOB-span by vanjaar se o.18 LSOB-rugbyweek die beste beskryf.
Die Luiperds, wat onder meer 11 spelers van Hoërskool Die Wilge bevat, het behoorlik die vloer met hulle teenstanders gevee.
Dié rugbyweek is vanaf 2 tot 6 Junie by Glenwood High aangebied.
Die speler met die meeste punte aangeteken by die week was Die Wilge se Zolile Nyatela, met ‘n totaal van 70 punte (6 drieë, 17 doelskoppe en 2 strafskoppe).
Nyatela word ook met reg verkies tot die SA span wat komende week aan die Akademie Week gaan deelneem.
In die drie wedstryde wat die Luiperds gespeel het, het hulle elke wedstryd oortuigend gewen.
Wedstryd 1:
Luiperds 57 (8 drieë) – 5 Haaie (1 drie)
Speler van die wedstryd: Eric Lamb (Keurhof)
Wedstryd 2:
Luiperds 48 (7 drieë) – 14 Griffons (2 drieë)
Speler van die wedstryd: Zolile Nyatela (Die Wilge)
Wedstryd 3:
Luiperds 50 (8 drieë) – 17 Leeus (2 drieë)
Speler van die wedstryd: Ramalatudi Lubby (Die Wilge)
Volgens die puntestelsel eindig die Luiperds eerste met 23 drieë, 156 punte aangeteken en slegs 36 punte afgestaan. Boonop eindig die volgende drie spelers ook in die top 10 vir die meeste drieë aangeteken:
Zolile Nyatela (6) (Die Wilge Hoërskool) Eric Lamb (6) (Keurhof) Amogelang Gorekwang (3) (Die Wilge Hoërskool)
Zolile Nyatela en Eric Lamb eindig gesamentlik eerste met die meeste drieë.