Pukke se Janneman Malan vernietig vir UCT in Varsity Krieketstryd
Soos ‘n sterk orkaan het Pukke se openingskolwer, Janneman Malan vir die Universiteit van Kaapstad (UCT) met sy uitstekende kolfwerk vanoggend weggeblaas toe hy ‘n briljante 94 van slegs 42 balle gemoker het. Sodoende het Pukke in hulle eerste Varsity Krieket-wedstryd vanjaar met 10 paaltjies gewen. Malan se 94 het 10 viere en ses sesse ingesluit …
Soos ‘n sterk orkaan het Pukke se openingskolwer, Janneman Malan vir die Universiteit van Kaapstad (UCT) met sy uitstekende kolfwerk vanoggend weggeblaas toe hy ‘n briljante 94 van slegs 42 balle gemoker het. Sodoende het Pukke in hulle eerste Varsity Krieket-wedstryd vanjaar met 10 paaltjies gewen.
Malan se 94 het 10 viere en ses sesse ingesluit wat teen ‘n lopietempo van 223.80 gemaak is. Om Malan se beheer in perspektief te sit, het sy kolfmaat, Wihan Lubbe slegs 16 lopies bygedra in Pukke se 124/0 waar hulle UCT se 119/9 gejaag het.
Vroeer het Pukke ook goed met die bal gedoen om UCT net tot 119 lopies in hulle 20 boulbeurte te beperk.
Pukke se draaiers het veral paaltjies op die Ibies-Oval geoes met Dylan Matthews se 3/11 van vier boulbeurte en Hanco Olivier se 2/22 in vier boulbeurte wat opspraak gemaak het.
UCT se kaptein Taariq Chiektey was hul beste kolwer met 29.
Pukke speel hulle tweede wedstryd van die toernooi teen NMMU Madibaz vanaand (Dinsdag 31 Januarie) op Senwes Park. Die wedstryd begin om 18:00.
