Potchefstroom Buiteklub se rolbalkampioenne gekroon

Die eindwedstryde van die Potchefstroom Buiteklub se enkelspel kampioenskappe het ook rolbal van hoë gehalte opgelewer.

In die mansfinaal was Jabu Nkosi by die laaste kop 20-17 voor. Micheal de Wit het uitstekend gespeel en vier skote opgetel en wen die kampioenskap met 21-20.

Helena Koekemoer is die vroue enkelspel kampioen, na sy met Gina Kennedy afgereken het.

Die twee wenners speel later vanjaar in Noordwes rolbal se prestige Kampioen van Kampioene-toernooi teen die ander klubs se kampioene.

*Verskeie nasionale rolbaltoernooie vind van Vrydag af oral in die land plaas. Die Noordwesspanne het deeglik voorberei met oefenkampe en twee vriendskaplike toernooie en is oorgehaal om sukses te behaal.