Kom kuier weér by ‘Rooy Food Market’
Die Rooy Food Market bied 'n verskeidenheid van kos, handwerk, en vermaak aan vir besoekers van alle ouderdomme. Kom geniet die gesellige atmosfeer en ontdek unieke items, alles in 'n gees van gemeenskap en lekker kuier.
Die hoogtepunt van opwinding vir inwoners in die breë Potchefstroomse omgewing, maak ‘Rooy Food Market’ amptelik sy deure oop vir ‘n dag vol pret en aankope. Die mark vind plaas op 30 Junie 2024, vanaf 10:00 tot 15:00, met gratis toegang vir almal wat wil kom kuier.
Die mark bied ‘n weelde aan aanloklike stalletjies, wat alles van vars kruie en speserye tot tuisgemaakte ‘chillie’ souse en tradisionele pannekoek aanbied. Vir die liefhebbers van nuwe smake is daar indiese kos van ‘Sumis Kitchen’, geurige koffie, en selfs Granadilla gin “on tap”. Vir diegene wat hou van iets soets, wag daar ‘n verskeidenheid nageregte, koekies, en tuisgemaakte konfyte.
Vir die kinders is daar geen tekort aan vermaak nie, met ‘n opblaasbare springkasteel, ‘n ‘Bubble House’ vol balonne, en ‘n verskeidenheid speletjies wat spesiaal vir hulle gereël is.
Vir diegene wat eerder iets prakties soek, is daar ook handwerk te koop, insluitend model karretjies, houtmodelle, en kralewerk. En vir diegene wat groen vingers het, bied Vaal Vetties ‘n verskeidenheid vetplante aan.
Die Rooy Food Market is nie net ‘n mark nie, dit is ‘n fees van plaaslike smake, kreatiwiteit, en gemeenskapsgees. Moet dit nie misloop nie! Vir meer inligting oor toekomstige geleenthede, kontak Tania by 079 9182092 of e-pos hullabaloo.decorhire@gmail.com. Besoek ook hul Facebook-blad “Rooy Food Market” vir die jongste nuus en ‘updates.’ Sien jou daar!
