Laerskool Mooirivier het ‘n spitbraai-duisend gehou met MG Burger en Brendan Peyper as gaskunstenaars.
MG Burger het ‘n gesellige atmosfeer geskep met sy goue stem terwyl almal opgedaag het en gesinne saamgekuier het. Tokkie-ouers het mekaar beter leer ken terwyl dogters netbal gespeel het en die seuns die Rugby Wêreldbeker herleef het.
Johan Bibbey het die aand afgeskop met die grappie, “Are you two girls from England?”, “No, Wales”, “Are you two whales from England?”
Na ‘n tafelgebed het almal worsbroodjies en ‘n spitbraai geniet.
Die afwagting het opgebou onder die kinders en breekpunt bereik toe Brendan Peyper op die perseel aangekom het. Die halfuur wat verloop het tussen sy aankoms en sy optrede was beslis die langste halfuur in die kinders se lewens.
Die kinders het gedans en gejil toe Brendan op die verhoog geklim het en “Jy is my hero” was ‘n paar keer gehoor.
Die aand is afgesluit met ‘n paar woorde deur Johan Bibbey en verassingstrekke.