Man wat in Wandellaan brand dood is identifiseer

Die persoon wat Woensdag, 27 September in die brand in die Wandellaan dood is, is onlangs geïdentifiseer.

Wouter Pienaar

October 17, 2023

Op Woensdag, 27 September het 'n brand in die Wandellaan uitgebreek. Daar is een persoon in hierdie brand oorlede en sy identiteit is nou bekend.

Die persoon wat Woensdag, 27 September in die brand in die Wandellaan dood is, is onlangs geïdentifiseer. Die persoon is as Idi Omar, ‘n buitelandse burger van Malawi geïdentifiseer.

Polisie het ‘n dag na die brand, Donderdag, 28 September op die lyk afgekom, maar kon nie dadelik die persoon se identiteit bepaal nie.

Volgens NW polisiewoordvoerder, kol. Adele Myburgh, kon die identiteit van Omar eers na DNS-toetsing bepaal word.

“Die liggaam is met behulp van DNS as mnr. Idi Omar (40) van Malawi geïdentifiseer,” het Myburgh bevestig.