André Schwartz se naam is lankal sinoniem met die werk van Andrew Lloyd Webber. Hy het menigte hoofrolle vertolk in Webber-blyspele en dit is geen verrassing dat hy nou met die debuutproduksie “Any Dream Will Do: My pad met Webber,” vir ‘n skouspelagtige vertoning by Aardklop gaan sorg nie.
Webber het van jongs af ’n impak gehad op André se lewe, reeds as ’n 12-jarige.
Later het André se verhouding met Webber hegter en sterker geword, en hierdie interaksie word in die produksie ontgin. Die teks is pittig, maar ook gevul met sterk lewenslesse wat André langs die pad geleer het. Dit is merkwaardig hoe hierdie waarhede weerklank vind in Webber se musiek. Natuurlik is daar altyd iewers ’n kinkel in die kabel.
Teatergangers kan uitsien na liedere soos “Music of the Night”, “You Must Love Me”, “Love Changes Everything”, “Memory” en vele ander Webber-treffers.
Gehore kan hulle ook verlustig in liedere van Sondheim en Rodgers and Hammerstein, soos onder meer “Send in the Clowns”. Wie weet – dalk is ons almal narre?
In ’n onlangse onderhoud met Alexa Strachan, uitvoerende hoof van Aardklop, deel Schwartz dat sy fassinasie met Webber begin het toe hy Joseph and the Amazing Technicolor Dreamcoat gesien het as ’n klein seuntjie. Daarom die titel Any Dream Will Do: My pad met Webber.
In hierdie produksie wil hy bekende Webber liedjies omkeer sodat mense anders kan luister na byvoorbeeld Love Changes Everything en die betekenis daaragter herontdek.
Staan gereed en maak ’n knoop in jou oor, want op Maandag 31 Julie kry jy 30% afslag op hierdie produksie! Besoek www.aardklop.co.za vir meer inligting.
Met: André Schwartz (sanger), Bryan Schimmel (pianis), Mauritz Lotz (kitaar)
Teks: André Schwartz
Oorspronklike musiek: Andrew Lloyd Webber, Stephen Sondheim, Rodgers and Hammerstein
Regie: Matthew Counihan
Musiekregie en musiekverwerking: Bryan Schimmel
Stel- en beligtingsontwerp: André Schwartz, Matthew Counihan
Visuele elemente: Linzay Coetzee
Vervaardiger: André Schwartz MMM
Genre: Musiekteater
Taal: Afrikaans, Frans, Nederlands
Gradering: Gesin
Tydsduur: 80 min.
Venue: Totius Saal
Datum en tyd: 3 Oktober 19:30, 4 Oktober 16:00
Kaartjies: R180 en R160 (Aardklop Hartsvriende, Pensioenarisse) * Op Maandag, 31 Julie is kaartjies slegs R 126 met 30 % afslag
Kaartjieverkope is reeds oop.
Besoek ons webblad by www.aardklop.co.za vir meer inligting en kry jou kaartjies by www.ticketpros.co.za
