Brand los gesin met niks behalwe die klere aan hul lywe
Verwoestende vlamme het Saterdagaand, 10 Junie vir Rouxan en Christi Cloete se huis verswelg en hul besittings in puin gelaat.
Verwoestende vlamme het Saterdagaand, 10 Junie, Rouxan en Christi Cloete se huis op ‘n kleinhoewe in Thabo Mbekistraat langs Oudrift verswelg en hulle met massiewe skade gelos.
Die brand het ongeveer 22:30 uitgebreek.
Die Cloete-gesin, hul drie kinders, Esli, Stiaan en Lika, sowel as hul honde is fisies ongedeerd en kon uit die huis kom voor die vlamme alles omring het.
“Almal is erg geskok en emosioneel soos wat die realiteit vanoggend inskop. Die vuur het in ons slaapkamer begin,” vertel Christi.
Dit is nog onseker presies hoe die brand ontstaan het.
Hier is foto’s van die brand: (Foto’s: Verskaf)
Sy noem dat alles weg is en dat hul nie weet waar om te begin nie.
“Ons het niks oor behalwe die klere aan ons lywe nie,” sê Christi.
Die gemeenskap en Christi se werkgewers by die NWU het alreeds vanoggend saamgespan om kos, klere en ander benodighede vir die Cloete’s te organiseer.
Daar is ook ‘n WhatsApp-groep begin waar die gemeenskap hande bymekaar sit om die gesin te help.
Die gemeenskap kan ook ‘n finansiële bydra lewer na die volgende rekening:
C. Cloete
Absa
Tjekrekening
Rekeningnommer: 4078983593
Takkode: 632005
Hier is ‘n lys van spesifieke kleregroottes en ander noodsaaklike items wat benodig word:
Kleredrag:
Rouxan: XXXL, skoengrootte 9
Christi: M/Grootte 34, Skoengrootte 5 of 6
Esli: Grootte 12-13, skoengrootte 3
Stiaan: Grootte 6-7, skoengrootte 13
Lika: Grootte 3-4, skoengrootte 9
Die kritieke items wat nog nodig is, is klere vir Rouxan en skoene vir Lika en Esli.
Huishoudelike items:
- Eetgerei (6 van elk), Breekware, Glase (6 van elk), Bekers (6 van elk)
- Skerp messe, Blikopener, Bakplaat, Potte en panne
- Groenteskiller, Botteloopmaker
- Houtlepel
- Sout en peper-houers, maatbeker
- Mengbak, Opdienbord
- Oondhandskoene, Vergiettes
- Toiletware, haarborsels en haardroër
- Handdoeke
- Badkamermat, toiletborsel
- Toiletrol
- Duvets, komberse en kussings
- Beddegoed (duvetoortreksel en kussingslope)
- Bedlampies, Hangers vir klere
- Gordyne
- Afveelappe, sponse
- Veerstofdoek, Mop en emmer, besem, skottelgoedwasmiddel, vloerskoonmaker