Nadat twee kinders wat verdrink het se liggame na ‘n week se soektog gevind is, is die man se liggaam vandag (Sondag, 21 Mei) opgespoor.
NW polisiewoordvoerder, kol. Adele Myburgh, het bevestig dat polisieduikers die man se lyk vandag gevind het.
Diè man (29) het vermoedelik saam met die twee seuns, wat onderskeidelik 7 en 9 jaar oud was, in ‘n kano op die plaasdam op Saterdag, 13 Mei gaan visvang toe die kano omgeslaan het.
Polisieduikers is daardie oggend omstreeks 09:40 in kennis gestel van die verdrinkingvoorval.
Die dam waar die voorval plaasgevind het, is ongeveer 20km buite Potchefstroom op die Vanderbiljparkpad, so 4km na die afdraai vanaf die R53 (Paryspad) geleë, .
Dit is nog onseker hoe dit gebeur het. Daar word verwag dat die liggame in die komende week uitgeken sal word.
