![](https://images.caxton.co.za/wp-content/uploads/sites/117/2019/07/caution-2.gif)
Maak goed seker jy het ’n afskrif van die identiteitsdokument van ’n tydelike werker wanneer jy byvoorbeeld iemand van die straat af in diens sou neem om vir jou tuinwerk, bouwerk of ander los nutstakies te verrig.
Die waarskuwing kom nadat dit onder die Parys Gemeenskap Polisiëring Forum (GPF) se aandag gekom het dat daar heelwat gevalle in Parys gerapporteer word waar goedere gesteel is of daar inbrake was, waar mense tydelike werkers vir ’n dag of kort periodes in diens geneem het.
Dit is belangrik dat jy alvorens jy iemand in diens neem, selfs al is dit net vir ’n dag, jy ’n afskrif van die persoon se ID-kaart of ID-dokument sal maak en/of minstens ’n foto van die persoon neem, sê die GPF voorsitter, Annemarie du Toit.
Dit maak die polisie se taak aansienlik makliker sou dit nodig wees om die werker op te spoor.
Werd om te onthou:
* Moenie werknemers sommer goedsmoeds volle toegang tot jou huis gee soos deur afstandbeheer-toestelle vir die hek of sleutels vir jou huis nie.
* Hou waardevolle items soos juwele buite sig en weggesluit. Dieselfde geld vir duur kraggereedskap en ander gereedskap wat moontlik net in jou erf rondlê.