Maak ‘n klein gesiggie gelukkig die Kersfees

Tangle Wood Nature Estate bied op 16 Desember ‘n Kersfees middagete vir minderbevoorregte kinders in en om Potchefstroom aan.
Die organiseerders vra die plaaslike gemeenskap om hierdie inisiatief te ondersteun deur kindersklere, nuwe of tweedehandse speelgoed  in goeie toestand te skenk om geskenke vir  kinders tot en met 18 jaarige ouderdom op te maak. Hierdie sal op die dag aan hulle uitgedeel word.
Daar sal aflaai punte wees by Rob’s Place, Cell C in die MooiRivier Mall, Tip Top, Daly Ford en by Tangle Wood self.
Rotary, Round Table en Lions het belowe om hierdie inisiatief te ondersteun en almal uit te daag om hierdie projek te ondersteun.
Almal wat bydra, word genooi om saam die dag saam te geniet van 11:00 tot 14:00 vir middagete by ‘n groot Kersfees tafel. Pret en speletjies sal die res van die dag opneem.
Tangle Wood benodig ook enige ander items wat jy voel sal dit ‘n spesiale dag vir die kinders maak.
• Tangle vra graag kartondose en feestelike papier om die geskenke te maak.
Ons benodig ook kos, lekkers of koue drankies wat gebruik kan word om die Kersfeestafel op die dag te maak.