ʼn 50-jarige man is Saterdagaand (1 April) kort voor middernag op die N12, ongeveer 3 km van Potchefstroom, dood na ʼn botsing.
Paramedici van ER24 en ander dienste het op die toneel aangekom waar hulle die erg beskadigde voertuie gevind het.
ʼn Ongeveer 50-jarige man is in sy voertuig met noodlottige beserings aangetref.
ʼn 49-jarige man van die ander voertuig het op die toneel rond geloop. Hy is vir ligte beserings behandel en later na Potchefstroom Provinsiale Hospitaal vervoer.
Drie ander insittendes het vervoer na die hospitaal geweier.
Die presiese omstandighede rondom die ongeluk is nie bekend nie.
Related Articles
