Die meeste dwelmverwante misdrywe vind op die Bult plaas en verlede week is drie verdagtes in hegtenis geneem.
Verlede Woensdag omstreeks 19:30 is een van die verdagtes in Reitzstraat vasgetrek, terwyl twee ander by Campus Studio in Silwerstraat in hegtenis geneem is.
Volgens kapt. Mvula Chaka, polisiewoordvoerder, het die polisie inligting ontvang oor dwelms by dié woonstel. Hulle het ’n woonstel deursoek en 30 sakkies dagga gevind. Die verdagtes het glo tydens ondervraging erken dat dit aan hulle behoort.
Nathan Pienaar (22) en Greg Welden (23) het reeds in die hof verskyn. ’n 24-jarige verdagte is vroeër verlede Woensdag deur die polisie deursoek en dwelms is aan hom gevind.
Soortgelyke stories
Polisie slaan toe op student se ‘dwelmfabriek’