‘n Splinternuwe waterpyp het vanoggend (Saterdag, 19 Maart) op die N12 gebars en sodoende word liters kosbare water gemors. Die gevolg is ook dat talle inwoners sonder water is vandag.
Die bars het blykbaar gebeur waar die pype gekoppel is. Inwoners wat aan die Oostekant van die rivier bly sal sonder water sit.
Skoon drinkwater het met hierdie groot lek in Potchefstroom se paaie begin vloei. Sommige besighede by die Baillie Park Spar winkelkompleks het emmers vol water by die oop mangat, waar water uitgestroom het, gaan versamel.
Water het ook in Paryslaan sonder keer afgestroom.
Lees meer hieroor in Donderdag se Herald en hou ons webblad dop vir enige verwikkelinge.
Related Articles
You can read the full story on our App. Download it here.