Ses studente is oorlede en twee is met beserings in die hospitaal opgeneem na ‘n ongeluk wat vroeg Sondagoggend plaasgevind het.
Die ongeluk het ongeveer 8km van die Moahi nedersetting, waar die studente gewoon het, plaasgevind.
Drie van die student was eerstejaars en drie was tweede jaar studente aan NWU Vaal kampus.
Prof. Sibusiso Chalufu, uitvoerende direkteur van NWU Vaal kampus, het in ‘n verklaring sy meegevoel met die familie van die studente gedeel.
“Dit is met ‘n swaar hart dat ek die tragiese nuus aankondig van ‘n ongeluk waarby agt van ons studente in die vroeë oggendure van Sondagoggend betrokke was. Ses studente het hulle lewens verloor en twee ander is in hospitaal opgeneem. Hulle toestand is tans stabiel.
“Ons deel ons innige meegevoel met die families van die oorledenes en wens ‘n spoedige herstel toe vir die wat beseer is.”
Chalufu het ook studente en personeel wat deur die insident geraak is, aangemoedig om berading te ontvang.
