Local news
Dooie honde by PAWS gelos
Darren Kruger het die gemeenskap gemaan om nie te wag tot dit te laat is voor PAWS vir hulp gevra word nie
Twee bull terrier honde is die week dood voor PAWS se deure gelos.
Volgens Darren Kruger, voorsitter van PAWS, is die een hond Sondagmiddag, 14 Julie in die parkeerarea gevind.
“Die ander een het ons vanoggend (17 Julie) in die noodhokke gekry,” het Kruger gesê.
Kruger het ‘n beroep op die gemeenskap gedoen om liewer met PAWS in verbinding te tree oor diere se welstand.
“Ons sal help waar ons kan,” het hy gesê. Volgens Kruger is PAWS gereed om die gemeenskap by te staan in tye van nood.
PAWS kan by 0716819264 gekontak word. Of Darren Kruger kan by 082 334 0890 gekontak word.
