Chris Chameleon laat Loop st sing

Chris Chameleon het Saterdagaand, 9 Maart onder groot gejuig ‘n fantastiese optrede by Loop st in Potchefstroom gehad.

Die optrede se kaartjies was voor die tyd reeds uitverkoop wat gesorg het vir ‘n lewendige gehoor.

Chameleon het die gehoor vermaak met grappies, staaltjies en musiek terwyl die gehoor heerlik smul aan Loop st se geurige kos en drank.

Met Loop st se vriendelike, behulpsame staf wat gaste by hul tafels bedien hoef jy nie ‘n oomblik van die vertoning te mis nie.

Die kunstige atmosfeer en sagte beligting in Loop st is beslis iets om te beleef.

Hou gerus Loop st se sosiale media dop vir opkomende optredes.