‘n Man is hospitaal toe geneem nadat hy vanmiddag (4 Augustus) na bewering op die N12 aangerand en gekaap is.
Volgens Christiaan Haefele, bedryfsbestuurder van Mooirivier Beskerming, was die man oppad Potchefstroom toe.
“Hy het naby die Fochville kruising gestop waar hy glo deur twee mans oorval is,” het Haefele gesê.
Volgens Haefele is die man glo oor die kop geslaan waarna die aanvallers hom vas gemaak en in die veld gelos het.
“Hy kon daarin slaag om homself los te kry en het terug Potch toe geryloop. Daarna is ons geskakel waarna ons ER24 ontbied het,” verduidelik Haefele.
Die man is na Mediclinic Potchefstroom geneem vir verdere behandeling.
You can read the full story on our App. Download it here.
