Vier mans is Vrydagaand 16 November omstreeks 21:00 in hegtenis geneem nadat hulle met ’n gesteelde kragopwekker betrap is.
Specialised Investigation Unit (S.I.U.), ’n maatskappy in Potchefstroom wat spesialiseer in onder meer die opsporing en terugbesorging van gesteelde goedere, het deur middel van ’n opsporingstoestel ’n gesteelde kragopwekker gemonitor en uiteindelik die diewe vasgetrek.
Lede van S.I.U het die misdadigers 15 tot 20km buite Potchefstroom op die Carletonville-pad voorgekeer.
Die gesteelde kragopwekker was agter op die bakkie. Ben Calitz van S.I.U. en sy personeel het die vier insittendes vasgetrek, geboei en die polisie ontbied. Hulle is op ‘n klag van diefstal in hegtenis geneem.
You can read the full story on our App. Download it here.
