Potch Dorp Rugbyklub vereer hulle topspelers
Potch Dorp Rugbyklub se topspelers is op Vrydag 20 Oktober by ‘n formele prysuitdelingsfunksie by die klub vir hulle uitstekende vertoning in die bekende maroentruie vereer. Die mans- en damespanne het vanjaar ‘n paar uitblinkers gehad wat die klub met trots en eer verteenwoordig het. Michael-Hugo Schreiber is as die klub se Speler van die …
![Potch Dorp Rugbyklub se groot presteerders vir 2017. Van links is Ruan Janse van Vuuren, Chandré Africa, Arno Muller (Medicall borg en ondervoorsitter), Verana van Heerden, Michael-Hugo Schreiber, Lizzy Diseko, Sakkie Raath (president), Deon van Zyl, Frank Redelinghuys (voorsitter), Bruwer Lerm (bestuurslid) en Yolandi Venter-Winterbach (Cell C hoofborg en bestuurslid). Foto: Verskaf](https://images.caxton.co.za/wp-content/uploads/sites/117/2017/11/IMG-20171102-WA0006.jpg)
Potch Dorp Rugbyklub se topspelers is op Vrydag 20 Oktober by ‘n formele prysuitdelingsfunksie by die klub vir hulle uitstekende vertoning in die bekende maroentruie vereer.
Die mans- en damespanne het vanjaar ‘n paar uitblinkers gehad wat die klub met trots en eer verteenwoordig het.
Michael-Hugo Schreiber is as die klub se Speler van die Jaar aangewys, terwyl die vroue Luiperds-speler, Verana van Heerden, erekleure ontvang het.
Van Heerden is ook die eerste vrou wat erekleure by Potch Dorp kry, na haar insluiting in die Springbok Vroue Sewesspan vanjaar. Die klub bedank Cell C vir hul suksesvolle borgskap hierdie afgelope seisoen.
Hier is die volledige lys wenners:
Dames:
Beste voorspeler: Lizzie Diseko
Beste agterspeler: Chandre Africa
Mans:
Beste juniorspeler: Tshiamo “TK” Ntasi
Beste seniorspeler: Ruan Janse van Vuuren
Mees toegewyde speler: Deon van Zyl
Speler van die Jaar: Michael-Hugo Schreiber
Erekleure: Verana van Heerden