![police,saps](https://images.caxton.co.za/wp-content/uploads/sites/117/2015/07/policeP.jpg)
Die polisie het Maandag (22 Mei) twee mans in hegtenis geneem wat daarvan verdink word dat hulle, hulself as verkeersbeamptes voorgee.
Volgens Lt. Kol. Pelonomi Makau, polisiewoordvoerder, is die twee mans omstreeks 05:00 langs die N12 tussen Klerksdorp en Wolmaransstad afgetrek. Die polisie beamptes het die verdagte voertuig deursoek waarna hulle drie vuurwapens, reflektiewebaadjies, ʼn bloulig, “cableties” en ʼn balaklawa gevind het. Die verdagtes kon nie aan die polisie verduidelik waar dit vandaan kom of hoekom hulle in besit is daarvan nie, waarna hulle in hegtenis geneem is.
“Daar word vermoed dat die verdagtes glo betrokke kan wees by vorige voorvalle op die stuk van die N12 waar motoriste, op geskiet, beroof en in een geval vermoor is deur mense wat voorgee om verkeersbeamptes te wees,” het Makau gesê.
Dié twee, onderskeidelik 27 en 32-jaar oud, sal Woensdag 24 Mei 2017 in die Klerksdorp-landdroshof verskyn op aanklagte van besit van vermoedelik gesteelde goed, onwettige besit van vuurwapens en ammunisie en ʼn klag van hulself voordoen as polisiebeamptes
Die Noordwes-provinsiale kommissaris, lt. Gen. Baile Motswenyane, was opgewonde oor die sukses en het lede aangemoedig om voortdurend die “Back-to-Basics-benadering” ten alle tye toe te pas.