Gimmies doof Liggies in Lichtenburg
Die aand voor die wedstryd was daar baie vraagtekens of Gimmies se eerste rugbyspan die wa deur die drif sou trek teen Lichtenburg in ’n wegwedstryd. Veral met die dat Liggies die Pukreeks-kampioene is en met goeie momentum aan hulle kant gesit het. Gimmies het ook nog ‘n paar beserings gehad en moes hulle beste …
Die aand voor die wedstryd was daar baie vraagtekens of Gimmies se eerste rugbyspan die wa deur die drif sou trek teen Lichtenburg in ’n wegwedstryd.
Veral met die dat Liggies die Pukreeks-kampioene is en met goeie momentum aan hulle kant gesit het. Gimmies het ook nog ‘n paar beserings gehad en moes hulle beste spel nog dié seisoen lewer om Lichtenburg te klop.
Toe doen Gimmies net dit en verras vir Liggies met ‘n naelbyt 31-30 oorwinning om hulle Jacob Wilkenstrofee-verdediging aan die gang te sit.
Dit was ‘n klassieke geval van aanhouer wen met Gimmies wat net nie handdoek ingegooi het nie en keer op keer vir Lichtenburg in alle fasette aangevat het.
Gimmies was met ‘n skraal 7-6 voor teen halftyd, maar na dit is die drie-krane vir beide spanne oopgedraai.
Bradley Wood, Chris Steyn, Morné Marais en Christoff Müller het Gimmies se drieë gedruk, terwyl Liggies se Henco Nel, Anthony Keen en Henk Venter met twee drieë hoop vir die tuisspan gegee het.
Marco van den Heever se akkurate skopvoet met drie doelskoppe en een strafskop was kritiek in Gimmies se skrale oorwinning.
Hier is foto’s van die aksie teen Lichtenburg
* Ander sportuitslae
Tennis:
1ste dogtersspan verloor 3-5 teen Lichtenburg se 1ste span (44 spelle elk, Ltx wen op wedstryde).
2de dogtersspan wen 5-3 teen Girls High se 1ste span en is ligawenners.
3de dogtersspan wen 66-6 teen Girls High se 2de span.
4de dogtersspan wen 56-16 teen Girls High se 3de span.
1ste seunsspan wen 6-2 teen Lichtenburg se 1ste span.
4de seunsspan wen 39-33 teen Boys High se 1ste span.
5de seunsspan wen 57-15 teen Boys High se 2de span.
Dogtershokkie teen Lichtenburg
o.14A gelykop 0-0.
o.14B wen 3-1.
o.15A gelykop 1-1.
o.15B verloor 1-3.
o.16A verloor 0-4.
o.16B verloor 0-2.
2de gelykop 0-0.
3de verloor 0-2.
Rugby:
o.14A wen 48-0, o.14B wen 11-10, o.15A verloor 0-27.
o.15B verloor 5-37.o.16A wen 41-10.
o.16B wen 26-0.
1ste wen 31-30.
2de verloor 11-17.
3de verloor 0-19.
