Vermiste hondjie met eienaar herenig

Rocky, die 7 maande oue Doberman Pincher, is gevind en met sy eienaar herenig nadat hy Maandag tydens ‘n ongeluk op die N12 weggeraak het.

Die familie was onseker of hy tydens die ongeluk uitgeval het en of hy na die ongeluk weggehardloop het.

Mariette van Niekerk, wie se familielid in die ongeluk betrokke was, het bevestig die hondjie is gekry.

“Die plaasboer, Johan Strydom, wat vir Rocky vroër naby sy plaas opgemerk het, se werker het aanhou soek en vir Rocky gevind. ‘n Dame met die naam Natasha het hom vir ons Stilfontein toe gevat.”