Insiggewende werkswinkel sit die klem op beweging in die klaskamer
Die Vereniging vir Welstand in Skole het Saterdag, 2 Maart ‘n insiggewende werkswinkel aangebied waar daar op gr. R-onderrig gefokus is.
Die Vereniging vir Welstand in Skole het Saterdag, 2 Maart ‘n insiggewende werkswinkel aangebied waar daar op gr. R-onderrig gefokus is. Talle kleuterskoolonderwyseresse en studente het hierdie werkswinkel by FFG bygewoon.
Die spreker was Yolandi van den Heever Breytenbach, wat die direkteur van die Oasis Club is.
Die Oasis Club se fokus is om leer stimulerend vir kleuters te maak sonder werkskaarte en eerder beweging in die klaskamer toe te pas. Die doel is om deur speel te leer.
Sy is tans ook besig om kurrikulums te ontwikkel en het deeglike kennis en ervaring met die gehoor gedeel, wat ontsettend leersaam was.
Foto’s: Wouter Pienaar
Praktiese voorbeelde is geïllustreer en daar is talle antwoorde rondom benaderings ten opsigte van ‘n graad R-klas gegee.
Vir meer inligting oor die Vereniging vir Welstand in Skole kan die voorsitter, Ona Janse van Rensburg by 082 374 6027 gekontak word.