Twee mans en ʼn vrou is gister (4 Junie) op aanklag van afpersing en intimidasie in hegtenis geneem. Dit kom nadat een van die verdagtes glo ʼn man en sy familie sedert Sondag met die dood gedreig het.
Die slagoffer het dit Maandag by die polisie aangemeld en aangedui dat hy geld aangebied het om van die dreigemente ontslae te probeer raak.
ʼn Polisieoptrede het kort daarna tot die arrestasie van een van die verdagtes gelei.
Later is ʼn vrou by die Noordwes-Universiteit in hegtenis geneem. ‘n Derde verdagte is by die polisiestasie in hegtenis geneem.
Die drie verskyn môre (6 Junie) in die landdroshof in Potchefstroom.
One Comment