‘n Man en vrou in hulle vroeëe 50s is kritiek nadat ‘n trok vandag (31 Januarie) omstreeks 13:00 op die N12 tussen Potchefstroom en Klerksdorp agter in hulle voertuig vas gery het.
Met paramedici se aankoms het albei pasiënte in die voertuig vas gesit, in samewerking met die brandweer het ER24 die twee uit die voertuig gesny.
Die vrou is deur ER24 per helikopter na ‘n hospitaal in Randfontein geneem terwyl die man deur IMR ambulansdienste na Potchefstroom hospitaal vervoer is.
Die presiese oorsaak van die ongeluk is nog onbekend maar die polisie was op die toneel om verder ondersoek in te stel.
