Jong Heilbron-boer sterf kort voor sy verjaardag
Ons opregte medelye met die familie
‘n Ouerpaar van Heilbron het Sondag hul jongste kind aan die dood moes afstaan. Die 27-jarige Wihann Naudé wat in die Heilbron-distrik geboer het, het Sondag, 5 November) in die vroeë oggendure tragies in ‘n motorongeluk op die R57 tussen Sasolburg en Heilbron gesterf. Hy is op die toneel oorlede.
Wihann sou op 21 November sy 28ste verjaardag gevier het.
Wihann word oorleef deur sy pa, Clary, ma Zelna en suster Marica du Preez.
Die begrafnisdiens van Wihann is Vrydag10 November vanuit die AP Kerk in Heilbron.
Gazette het vroeër ook berig van nog ‘n tragiese ongeluk Sondag in die oggendure net buite Oranjeville waartydens drie persone gesterf het toe die Toyota HIlux bakkie waarmee hulle gery het, op die Magrieta Prinsloo-brug net buite Oranjeville, die pad verlaat en in die Wilgerrivier beland het.
Die drie insittendes was van Harrismith, en was onderweg terug na ‘n sokkerwedstryd. Hulle het van Frankfort in die rigting van Oranjeville gery toe die ongeluk gebeur het.
