Twee plaaslike stoeiers het onlangs baie goed presteer. Wuhan Mare het ‘n
goue medalje verower in o.20 en Lume van Rooyen ‘n dubbel goud. Hierdie uitstonderlike
prestasies is die restultaat na die afgelope SA kampioenskappe wat op 24 Junie by die Belhar Sportsentrum in Kaapstad aangebied is.
Wuhan het in die Grieks Romeins en die Vrystyl-afdelings deelgeneem. Hy is nou amptelik die SA
nasionale kampioen in albei style.
Lume het vanjaar in alle moontlike afdelings deelgeneem en is met drie goue medaljes beloon.
Lume is amptelik ‘n SA nasionale kampioen vir presidente, meisies o.17, asook o.20.
Albei stoeiers het hul uitsonderlik van hul taak gekwyt en dra ook hul kennis en ondervinding oor
aan die stoeiers wat hulle afrig.
Wuhan se ma, Joline, is hul spanbestuurder en is ook met elke SA kampioenskap daar om te verseker dat die stoeiers betyds vir wedstryde opdaag. Sy motiveer hulle ook ongelooflik baie.