Dis stikdonker in Parys
Meer as 11 ure sonder krag al
Die hele Parys is al sedert vanoggend sonder krag. En nou meer as 11 ure later is die dorp nog in donkerte gehul.
Talle foute op Ngwathe se kragnetwerk het daartoe gelei dat die Eskom-breker vanoggend uitgeskop het.
Eskom het in antwoord op Gazette se navraag vanoggend bevestig hulle kan nie die kragtoevoer herstel, alvorens Ngwathe nie die foute op sy netwerk herstel het nie. Daar is ook weer benadruk dat die munisipaliteit al voorheen in kennis gestel is dat die koste van herstelwerk aan enige van Eskom se infrastruktuur wat sou skade lei weens foute op die munisipale netwerk, deur die munisipaliteit betaal sal moet word.
Die foto van ‘n stikdonker Parys is deur ‘n leser geneem.
You can read the full story on our App. Download it here.
