Drie gholfspelers van Parys was deel van die Vrystaat senior gholfspan wat verlede week aan ‘n interprovinsiale gholftoernooi in Middelburg deelgeneem het. Die Vrystaat-span het boonop vir die eerste keer met die louere in die B-afdeling weggestap, en skuif dus op na die A-afdeling.
Die Parysenaars wat deel was van die Vrystaat-span is Allen Frazer, Jan Greyling en Roedu du Plessis. Allen en Jan is lid van die Parys-gholfklub, terwyl Roedu, Hannes Spies en Donny Smit vir Heron Banks speel. Die ander spanlede was Jaco Froneman van Kroonstad, Johnny Barnard van Bethlehem, Gerhard Neethling van Clarens en Anton Coetzee van Bloemfontein.
