![](https://images.caxton.co.za/wp-content/uploads/sites/116/2018/07/AnnekeKaai-en-ElanaBettings100x68-300dpi.jpg)
Elana Bettings kom kuier op 26 Julie in Potchefstroom met ’n produksie wat deur skilderye van die bekende Nederlandse skilder, Anneke Kaai, geïnspireer is.
Elana kon onder leiding van die Heilige Gees woorde en nuwe melodieë kry om te pas by Anneke se skilderye waarin sy Bybelse Psalmtemas uitbeeld. Elana vertel hoe die talente van vier hedendaagse kunstenaars saamgevoeg kon word om beeld en klank te voeg by die eeue-oue woorde van die psalmis, Dawid, soos dit in die Afrikaanse Bybel weergegee is. Christa Steyn het Elana se melodieë vasgevang in hemelse klanke wat tans nog nie algemeen bekend is nie, en Alna van der Watt se sangstem vertolk die tekste aangrypend.
Die Gereformeerde Kerk Potch Bult se Omgeegroep vir Seniors span saam met Woordkafee om ’n oggend van musiek en kuns tot eer van die Here aan te bied in die GK Bult se saal op die hoek van Molen- en Borcherdsstraat. Dit begin om 10:00 vir 10:30 en die kaartjies teen R50 elk sluit verversings in.
Kaartjies is tussen 08:00 en 13:00 beskikbaar by die kerkkantoor van GK Bult in Borcherdsstraat by (018) 297 4843 en GK Potch-Oos by (018) 290 7690. Enige navrae kan gedoen word by Woordkafee by 082 403 5130.