Plaaslike skietdae vir Maart
Alle skuts word weer herinner aan die plaaslike jaggeweer skietdag van die Suid-Afrikaanse Jagters & Wildbewaringsvereniging (SAJWV) in Parys wat op Saterdag 11 Maart op die Ballistic Beast Skietbaan (ou Kommando-skietbaan) by die Parys-vliegveld aangebied word.
Alle skuts word weer herinner aan die plaaslike jaggeweer skietdag van die Suid-Afrikaanse Jagters & Wildbewaringsvereniging (SAJWV) in Parys wat op Saterdag 11 Maart op die Ballistic Beast Skietbaan (ou Kommando-skietbaan) by die Parys-vliegveld aangebied word.
Dit sal ’n geldige skietbyeenkoms vir SAJWV-lede wees, wat ook as hul jaarlikse bywoning tel.
Inskrywings kan vanaf 07:00 gedoen word en sluit om 09:00. Die koste is R100 per volwassene en R50 per kind. Lede en nie-lede asook juniors is welkom. Diegene wat iemand anders se kinders saambring om te kom skiet, moet onthou om vooraf by Sons of Guns ’n vrywaringsvorm in te vul. Oog- en oorbeskerming vir die skietdag is verpligtend.
Onthou ook dat daar geleentheid is om met handwapens te skiet op Dinsdag 14 Maart by Sons of Guns se binnenshuise skietbaan.
Enigeen wat navrae het is welkom om Jan Lubbe by 082 421 1122 te kontak, of stuur ‘n e-pos na janlubbe@repmetco.co.za