Alle oë op SA o.19 onderwaterhokkie-span vandag
Groot eer vir Parys-seun as nr. 8 vir SA 0.19-onderwaterhokkiespan
Ewan Stoltz van Parys en sy spanmaats van die SA o.19 onderwaterhokkie span speel vandag hul eerste wedstryd teen Nieu-Seeland in Kuala Lumpur by die wêreld onderwaterhokkie-kampioenskappe. Daar is groot verwagtinge vir dié SA-span, en is die hoop op ‘n goue medalje.
Die afgelope jaar se harde het vrugte afgewerp vir die jong Parysenaar nadat hy uit die room van die land se spelers gekies is as een van net 11 Suid-Afrikaners in die 0.19 SA onderwaterhokkie-span.
Suid-Afrika het ‘n mans en dames o.19 span asook ‘n mans en dames o.24 span wat die land by die kampioenskappe sal verteenwoordig.
Die vier spanne het verlede week na Maleisië vertrek en het op Maandag 15 Julie in Kuala Lumpur aangekom vir die voor-wedstryde. Die openingseremonie is Vrydag gehou.
Uitdunwedstryde sal tot Woensdag gespeel word met die finale wedstryde wat op 27 Julie gespeel sal word
By die o.19’s sal spanne van agt lande kragte meet.
