Tennisklub begin met eerste gratis tenniskliniek

Parys-tennisklub het die afgelope Saterdag afgeskop met hulle eerste gratis tenniskliniek, onder leiding van Brian Colby. Dit was ‘n groot sukses met 29 leerlinge van jonk tot oud wat die kliniek bygewoon het. Daar is vir eers baie klem gelê op basiese balvaardigheid en raketbeheer. Vir baie spelers was dit die eerste keer dat hulle aan ’n raket gevat het. Spelers het die kliniek baie geniet en die twee ure het in ’n oogwink verbygevlieg. Die klinieke gaan voortaan elke Saterdag plaasvind en belangstellendes kan vir Brian by 060 482 5069 kontak.