![](https://images.caxton.co.za/wp-content/uploads/sites/116/2024/08/show-your-talent-e1723568089199-780x453.jpg)
Studente van Elite Models Parys het op 9 Augustus aan die Show your Talent SA kompetisie in Vanderbijlpark deelgeneem, en is al vier na afloop van hul deelname ingesluit in die Suid-Afrikaanse span wat in 2025 in New York aan die Talent America/Pageant sal deelneem.
Met die Show Your Talent SA kompetisie het die 11-jarige Miané Bouwer van Parys Christelike Skool gespog met ‘n goue en twee silwermedaljes, terwyl die 10-jarige Hape Hlalele van Primêre Skool Parys weggestap het met ‘n goue medalje.
Leonel Riekert (8), ook van Parys Christelike Skool het twee goue medaljes verower.
![](https://images.caxton.co.za/wp-content/uploads/sites/116/2024/08/show-your-talent.jpg)
Hul afrigter en eienaar van Elite Models Parys, die 20-jarige Charlotte Malherbe het ook nie op haar laat wag nie en nie minder nie as 8 goue medaljes ingepalm, waarvan een hoë goud was. Daarbenewens ontvang sy ook twee silwermedaljes.
Al vier het reeds hul Noordwes-kleure verdien.