Boere veg teen vlamme by skool
Die bestuur, personeel en leerders van die Weiveld Landbou- en Hotelskool het hul dank betuig teenoor die boeregemeenskap wat gehelp het om die brand te blus.
![](https://images.caxton.co.za/wp-content/uploads/sites/116/2024/07/brand-boere-weiveld1-780x470.jpg)
Boere van die Weiveld-distrik het Donderdag onmiddellik gereageer om hulp te verleen by die Weiveld Landbou- en Hotelskool toe ‘n brand rondom 12:00 die middag ontstaan het, en gekeer kon word dat die skool se sportveld, voedingskema en varkhokke nie in die brand verwoes is nie .
Die skool en sy personeel sê dankie vir die vinnige optrede van hierdie boere, en die bystand wat deur hulle aan die skool verleen is.
![](https://images.caxton.co.za/wp-content/uploads/sites/116/2024/07/brand-boere-weiveld2.jpg)
Boere het reeds twee weke voor die brand pro-aktief opgetree met brandbane wat gemaak is, juis omdat daar in die brandseisoen heelwat veldbrande gesien word.
Sedert die begin van die brandseidoen op 1 Junie is reeds 31 brande net op plase in die Parys en Sasolburg distrikte by die Vaal Eden Brandvereniging gerapporteer. ‘n Totaal van 1 371 hektaar is in die brande verwoes wat 48 plaasgedeeltes geaffekteer het, en byna R2m se skade en koste veroorsaak het weens die brande.