Local newsNews
Veertien ton teer stop meer as 1 000 gate toe
AfriForum Parys het vandag hul eerste slaggat projek vir die jaar in Eerstelaan en Schilbachstraat geloods. Vele projekte is al deur die tak in die dorp geloods om slaggate te herstel.
Dis mos bakgat sonder die gate!
Dit kan motoriste beaam wat die vrugte pluk van AfriForum Parys se pogings om ‘n verskil te maak in die dorp se strate met slaggate wat gereeld deur dié tak se lede reggemaak word.
Vandag is daar in Eerstelaan en Schilbachstraat gate reggemaak.
In totaal het die tak al sedert daar begin is om slaggate in die dorp reg te maak, 700 sakke teer van 20kg elk met ‘n totale gewig van 14 ton gebruik om meer as 1 000 gate toe te stop.
Volg die skakel https://sluit-aan.afriforum.co.za?campaign=RoepToepCMO&leadSource=531466467 as jy wil aansluit by AfriForum en so ‘n bydrae wil maak.
Jy kan ook met AfriForum Parys se takvoorsitter by 082 653 4281 gesels as jy teer nodig het om slaggate in jou woonbuurt te herstel.
