Die Parys Voortrekkerkommando het vanjaar vier Verkenners wat hul President Verkenner-eksamen geslaag het. Hulle is Wian Viviers, Charné Strydom, Deandré Pieterse en Zak Naudé. Al vier is leerders van Hoërskool Parys.
Die President Verkenner-toekenning word oorhandig na afloop van die afrondingskamp wat van 3 tot 7 Junie by Hartbeesfontein Voortrekkerplaas buite Pretoria gehou is.
Altesaam 235 Voortrekkers van regoor die land en uit Namibië het die kamp bygewoon waarvan 54 uit die Vrystaat is.
Die President Verkenner-toekenning is die hoogste erkenning wat ‘n Voortrekker in sy/haar hoërskoolloopbaan as jeuglid kan behaal, en is gelykstaande aan nasionale erekleure.Vootrekkers kan na hul skoolloopbaan as staatmakers (studente) of as volwassenes by ‘n Voortrekkerkommando betrokke raak.
